মণিপুরি ওয়াহি ‘মিংকৌ’ বিশ্লেষণ করলে পারাংতা (মিং+কৌ)। Dr. K. D. Singha গিরকর মতে (Ming = Name/Adress; Kaupa = to say) অর্থাৎ কোন আগরে সম্বোধন করানি অহান মিংকৌ। হাবি সমাজেউ মিংকৌ আসে, যেহানে মানু দুগোর পারস্পরিক সম্বন্ধ বারো আত্মীয়তা হারপানি অকরের। মণিপুরি সমাজে যে মিংকৌ দেখরাং অতার কততাত দেখরাং সর্বভারতীয় ওয়াহি, কততাত ওয়াহি এতার অর্থ সম্প্রসারণ ইসে। কততাত বারো অর্থ সংকুচিত ইসে

আগেদে মণিপুরীয়ে (বিষ্ণুপ্রিয়া/ মেইতেই) পূর্বমুখী ডিগালি বাসগৃহ আকতা হঙকরলা উতাই ‘ইঞ্চৌঘর’ । এবাকাও ভিতরখুলর মণিপুরী গাঙেদে আগো-দুগো আহিত পরের। হাকতাক আহানাত বার্মাত্ত অকরিয়া সিলেট পেয়া মণিপুরীর (মেইতেই, পাঙাল বারো বিষ্ণুপ্রিয়া) গাঙেদে ঈঞ্চৌঘর য়াম অসিল, গরর অংতা-লাক্তা দেহিয়াই মণিপুরী গাঙহান চিনে পারলা