কতো কতো লপুক দেকলাঙ, হুনলাঙ। তেবো তেবৌ আউরর লপুক এগর য়ারিপরি এতা খানি তঙাল। আউরর গাঙৌ তঙাল, মানুউ তঙাল হাবিত্ব নিয়াম তঙাল লপুকর পুরেল পুরেল ইতিহাস। লপুকর চাইরো ফালো হাপদিয়া গোলগ অয়া গাঙ পরেসি। জারনতলা, ফুলতলা, হেইজামপি, আউরর বাজার, টিল্লাগাঙ, বরৈতলি।

হুনামানুর মনহান আজি জবর নুঙেই নাইছে। টিকটিকা বেনিটিক এগৎ শৌরতা আরাকউ মাচ্চিংগা গরম অরগ। মেইচা অহাৎ ফুতি বুনিরি মানকরে গিয়া বেরাচেরা করলগা বুুলিয়া মানকে আতকরে ধমক আহান দিলো থাংতে তারতা আহির পানি কিতা আহো পরিলগাগ। কুনোমতে খামকরিয়া থয়াছেতা। গতিং কতগনো খেলানির সতা দিয়া মানকরে সারলেদে চেয়া চেয়া আছে