শ্রীকৃষ্ণর সংকীর্তনে মেংসেলহার সাদে মনহান মার্জিত অর। মেনছেল অহান হাদ্দিন না মুছলে নিজর সাতহান না দেখরাং অসাদে শ্রীকৃষ্ণর সংকীর্তনে মেংসেলহার সাদে মনহান মার্জিত অর। সংসারের হিন দুঃখ হাবী জ্বিগনো পুরিয়া ছালিগ করেদের। মানুর যাবতীয় হিন দুঃখ হাব্বি কালকরেদের।

পুরানে উল্লেখ আছেতা- রাগ এগো নিকুলিছেতা রাসলীলাত্ত। শ্রীকৃষ্ণের মুঙে ষোলশো গোপীয়ে জনে আকেইগো করে রাগ বারো রাগিনী এতা হুনুয়াছি। ঔ রাগ অতার কতগো হুদ্দা মর্ত্যধামে প্রচলিত আছে। মূখ্য(প্রধান) গোপী অতার এলা অতারে “রাগ” নাঙ দিয়াছি। বারো প্রত্যেকগো রাগরে গোপী আকেইগর বারর লগে সামদেসি(জোরা দিয়াছি)। যেমন রাগ “মল্লব” এগো নিংথৌকাপার (সোমবারর) রাগগো, বিশাখা সখী এগোর গিথানকগো

চৈতন্য চরিত্রামৃত রায় সঙ্গত হারপিলাং তত্ত্ব কথা। চৈতন্য মহাপ্রভুয়ে মাতেছে লীলা এহার প্রথা।। বাসল্য প্রেমর অনুকরণে বৈষ্ণবীয় মতে। রাখাল নৃত্য বুলিয়া চলেছে এ জগতে।। কার্তিক মাহার লাময় সিঙর, গোষ্ঠা অষ্টমী তিথি। ঔ দিনে গোষ্ঠ লীলা অকল্য নীলমনি।। ষড়শ্বর্য পূর্ণ কৃষ্ণ গুণর নেয় সীমা। রূপে গুণে কথা বার্তায় অপরুপ মহিমা।।