নিংশিং চে

বিষ্ণুপ্রিয়া মণিপুরি সংকীর্তন জগতর ইশালপা চূড়ামণি গীতশ্রী চন্দ্রমোহন সিংহ গিরকর জরম ১৮৬৫ শকাব্দর ২ আষাঢ় তারিখে, বাংলাদেশর মৌলভীবাজার জেলার কমলগঞ্জ উপজেলার ডালুয়া গাঙে। গিরকর বাপকর নাঙহান ক্ষীরো সিংহ বারো মালকর নাঙহান মাগো দেবী। বেয়ক চারিগ বারো বনক আগর হাদিৎ গিরক য়েঙাপাগ। দশ-এগারো বছর বয়সে গিরকে ডালুয়ার বকশাল অজারাং গুরুবরণ করিয়া এলা তামকরানি অকরিসিল। বিশ বছর বয়সে গিরকে আসামর পাথারকান্দিৎ গিয়া নাঙফিটা ইশালপা অজা কালাসেনা রাজকুমাররাং নংসাংদিন এলা তামকরিয়া আসিলগা। একত্রিশ বছর বয়সে চন্দ্রমোহন গিরকে কালাসেনা অজার য়াথাং লয়া পাথারকান্দির তিনোখালে গুরুকীর্তন আহাৎ পইলা এলা দেনা অকরিসিল। এপাগা পেয়াউ অজা চন্দ্রমোহন গিরকে বাংলাদেশ-ভারতর হাবি ফামে প্রবল প্রতাপে সংকীর্তনর আসরে এলা দিয়া যারগা। মণিপুরি নটসংকীর্তনর এলাৎ একিন সাধনা বারো দক্ষতার স্বীকৃতিস্বরূপ আবকচা পুরস্কার বারো সম্মাননাল ভূষিত ইসে। নিখিল বিষ্ণুপ্রিয়া মণিপুরি সংস্কৃতি পরিষদে গিরকরে ১৯৯৭ সালে 'গীতশ্রী' উপাধিল ভূষিত করিসিলা। অজা চন্দ্রমোহন গিরকর ঘরগিথানকর নাঙহান চন্দ্রজিনি দেবী। অজাগিরক দুগ জিপুতর বাপকগ। জেঠি জিলক প্রফেসর ডা. নমিতা সিনহা জালালাবাদ রাগীব-রাবেয়া মেডিকেল কলেজর গাইনি বিভাগর বিভাগীয় প্রধানগ বারো প্রখ্যাত গাইনোকোলজিস্টগ। পিতক রবীন্দ্রকুমার সিংহ বাংলাদেশ বন বিভাগর কর্মকর্তাগ।

গীতশ্রী চন্দ্রমোহন সিংহ গিরকর প্রকাশিত লেরিক:
১. বাসকসজ্জা (১৯৮৯)
২. রাধাকৃষ্ণর অষ্টকালীন লীলার এলা (২০২৪)
প্রকাশিত এলার অ্যালবাম:
১. সালই সখী কুঞ্জবনে
২. নীতির এলা (অজা ব্রজকুমার সিংহর লগে যুগ্মভাবে)হুরকা করিক