জারর কঙালা রইদগই মাতলো, বহো য়ারি আহান আছেতা, খুয়া খুয়া মেয়েকে মেয়েকে লেখং বুলতে ধানর চারঙে কার মুকচি দেহিয়া খাম’ছিলু, বারনে বারনে হুনামাচু আমার ভুকর ধান হমিলাগা মাত নেয়া, তেঞ্চরার কাজে উঠানে হিচিয়া খানি

ইতাও তি কিসারে আছৎ তর জীবনৌ পরেছেতা চিন্তারোগর পহর আগৎ! কতোহানতে লালইল দিন দুঃখ যাতন পেয়া নায় বিয়ান বেলুকা খালকরিয়া আরগৈ চামে ইলু নায় নুয়ারাপানিতে নাছতনায় গারিমুরর কুচুকুমেল মাঙোয়াসাৎ গেলগানায়!

চল‌ছু মি, চলেছু মি জক জক গাড়ী, জক জক গাড়ী। দূরেই দূরেই স্টেশন, হাদি হাদিত খানি বারো উবাওরি। রইদ বরণ জার খূয়া, মরাং উতা হাবি আক্তা মনে অর। জরমেত্ত চলেছু মি, নেই মর্তা হিন, নেই কুন লাজ ডর...

রাতিহান নমিয়া বিহানহান অর, জারহান না জারগা টুপি শাল পর। কেন্দাহাত তো নামানি জানহানে নাদের, তারপরও বিহানে উঠনি লাগের।।