এআই (Artificial intelligence) - আর্টিফিসিয়াল ইন্টেলিজেন্স যেহানরে বাংলায় কৃত্রিম বুদ্ধিমত্তাও মাত্তারা। এহান খুবই উন্নত প্রযুক্তি আহান যেহানর মাধ্যমে কম্পিউটারসহ বিভিন্ন উন্নত যন্ত্রপাতি অতা মানুর অক্ক খালকরানি, কোনকিছু হিকানি বারো নিজেত্ব কোন সিদ্ধান্ত নেনা পারতারা। এনে প্রযুক্তি এহান নুয়া প্রযুক্তিহান হিসেবে এপাগা অনেক নাঙ করলেও এহানর আবিষ্কার অনেক আগেই ইছিল। এহানর ধারণা ১৯৫০ অর দশকর পইলাকাদে আরাম্ভ ইসিল। এহেন হুদ্দা আকগো আবিষ্কারহানও নাবে।

বিষ্ণুপ্রিয়া মণিপুরি ঠারর লৌকিক এলার লুপা দিক আহান মাদৈ-সরারেলর এলা। মূলত বৈশাখ-জ্যৈষ্ঠ মাহাত ডিগল খরার সমেয়ত রাতি নুঙেই-নঙতলে ইমা-ইন্দোলে লপুকে সরারেল গিরকরাঙ বরণ মাগতেগা মাদৈ-সরারেলর এলা দিলা। এবাকাও কুন-কুন লয়াত বরণ-ডাহানির এলা পাল করতারা। দেবরাজ ইন্দ্র বরণর দৌগ, বৈদিক যুগর প্রধান দৌগ ইন্দ্র, ঋকবেদে হাবিত্ত য়াম শোলক/এলা আসেতা ইন্দ্রর নাঙে। বৈদিক যুগ লয়নির মাপাদেত্ত ইন্দ্র গিরকরাঙত বিষ্ণুর গুরত্ব বপনি অকরেসিল, তাপক-তাপক টেইপাঙ মানুয়ে বিষ্ণুরে ভগবান বুলিয়া নিঙকরানি অকরেসিতা।