নিংশিং চে

জিতেন্দ্র কুমার সিংহ পূণ্যভূমি মাধবপুরর বামনলেকিৎ পইলা জানুয়ারি, ১৯৫৮ খ্রী: বীরেন্দ্র মোহন সিংহ(শিক্ষক) বারো সিজা বালা দেবীর উরে জরম অসে। চারিগো বেয়ক বারো দুগো বনকর বিতরে জিতেন্দ্র গিরক সর্বকনিষ্ঠ। ১নং মাধবপুর সরকারী প্রাথমিক বিদ্যালয়ে প্রাথমি্ক শিক্ষা, কমলগঞ্জ উচ্চ বিদ্যালয়ে উচ্চ মাধ্যমিক, মদন মোহন কলেজে স্নাতক ডিগ্রি বারো বি.এড করেসে বাংলাদেশ উন্মুক্ত বিশ্ববিদ্যালয়েত্ব। সংস্কৃতিমনা গিরক এগো বর্তমানে বিচারপতি সুরেন্দ্র কুমার সিনহা স্কুল এন্ড কলেজ'এ শিক্ষকতা পেশায় নিযুক্ত আসে। এর আগে জিতেন্দ্র কুমার সিংহ গিরক দয়াময় সিংহ উচ্চ বিদ্যালয়'এ শিক্ষকতা করেসিল।

সাংগঠনিক কার্যাবলী:
১। প্রতিষ্ঠাতা সভাপতি, বাংলাদেশ উদীচী শিল্পী গোষ্ঠী, কমলগঞ্জ শাখা।
২। প্রতিষ্ঠাতা সভাপতি, মণিপুরি গবেষণা পরিষদ।
৩। সভাপতি, মণিপুরি মহারাসলীলা এর সার্ধশতবর্ষ উদযাপনার্থে(১৯৯২) গঠিত মণিপুরি রাসোৎসব সাংস্কৃতিক পরিষদ।
৪। প্রাক্তন দফতর সম্পাদক, বাংলাদেশ শিক্ষক সমিতি ( নজরুল গ্রুপ এবং বর্তমানে নিষ্ক্রিয়)।
এছাড়াও গিরক নিংশিং চে ২০২২ সংখ্যাহান সম্পাদনা করেসিল বারো আর আর সাহিত্য-সাংস্কৃতিক, বাম রাজনৈতিক সংগঠনর লগে যুক্ত আসে।হুরকা করিক