সংক্রান্তির অর্থহান সঞ্চার বারো সালনি মাতানি ইকরের। বেলিগো এহান্দেতো আরাকবারা আহানদে থেয়নি অহনরেও সংক্রান্তি মাততারা। সংক্রান্তি ওয়াহি এগো তঙাল করে চেইলে সং+ক্রান্তি; সং
অর্থ হাজানি বারো ক্রান্তি এহার অর্থহান ইলতাই সংক্রমিত অনা বা মাত্তে গেলেগা আহানদে সালনি বুঝার। আকপাকে মাত্তেগেলেগা নুয়া করে হাজিয়া আহানদে সালনা অহানরে বুঝার। বাস্তবেও আমি অহনই দেখরাঙ।
মেষ, বৃষ, মিথুন, কর্কট, সিংহ, কন্যা, তুলা, বৃশ্চিক, ধনু, মকর, কুম্ভ বারো মীন
এরে বারোহান আহার পর আহান রাশি চক্রাকারে পাকদের। পৃথিবীর পরিমণ্ডলে এসারে পরিবর্তনর ভিতরে চারিহান দিন আছে। অহার মইধ্যে অয়ন দুহান বারো বিষুব দুহান। অয়ন দুহানি ইলতাই উত্তরায়ন বারো দক্ষিণায়ন। বিষুব দুহানি ইলতাই মহাবিষুব বারো জলবিষুব। বসন্তকালে যে বিষুব দিনহান অর, অহনরে মহাবিষুব বারো শরৎকালে যে
বিষুব অর, অহনরে জলবিষুব মাততারা। চৈত্র সংক্রান্তিৎ মহাবিষুব বারো আশ্বিন সংক্রান্তিৎ জলবিষুব আরম্ভ অর।
শাস্ত্রে মাতের-
“মৃগকর্কটসংক্রান্তিঃ দ্বে তূদগ্দক্ষিণায়নে।
বিষুবতী তুলামেষে গোলমধ্যে তথাপরাঃ ॥”
অর্থাৎ সুর্য ধনুরাশি ত্যাগ করিয়া মকর রাশিৎ হমার অহনরে উত্তরায়ণ সংক্রান্তি, মিথুনরাশি তো
কর্কটরাশিতে হমার অহনরে দক্ষিণায়ন সংক্রান্তি, কন্যারাশিত্ত তুলারাশিৎ হমার অহনরে
জলবিষুব সংক্রান্তি বারো মীনরাশিত্ত মেষরাশিৎ হমারগা অহনরে শাস্ত্রে মহাবিষুব বুলিয়া মাতিসে । আমি এহানরে "বিষু উৎসব" মাতরাং ।
“দিনসংক্রমণে কৃৎস্নং দিনং পুণ্যম।”
অর্থাৎ সংক্রান্তি দিনের বেলা সংক্রমণ ইলে আস্তাদিনঅহনই পুণ্যকাল বুলিয়া উল্লেখ করিসি। এরে পূণ্য দিন
অহন আপা বপার উদ্দ্যেশ্য করিয়া ভোগ কাতকরানি ইলে আপাবপায় বপিয়া হারু ইতারা বুলিয়া আমি ভোগ
কতকররাং । এহেন সনাতন ধর্মর রীতি আহান । এর পুণ্য তিথিরমা আগর দিনেত্তো ঘর মাঙকল লেপিয়া
মুছিয়া কলিক দাড়িয়া সেঙ করতারা । হাব্বি সেংকরিয়া পরে আপাবপা আসিরকা ভোগ হিজানি অকরতারা । ভোগ হিজিয়া লমিলে আপাবপা আসির নাঙে ঘরগোর আরাঙগোৎ ভোগ হাকরানি অর।
 |
| ফটোঃ কিশোর সিনহা (হালালি, ইন্ডিয়া) |
শাস্ত্রে মাতের,
“পূর্ব পুরুষদের উদ্দেশ্যে প্রসাদ নিবেদন করলে অরে প্রসাদ পানার কাজে স্বয়ং যমরাজে মর্তলোকে
সালকরের । যেতা পেয়া আপাবপা পাপকর্মর ফলহাততো মুক্তি পেইতারা ।”
আমি আমার সমাজে যেতা পালন কররাঙ অতা হাব্বি আহিছে ধর্মতো । ধর্মরূপ বৃক্ষর প্রস্ফুতিত ফুলগো ইলতাই
আমার সংস্কৃতিহান । ধর্মীয় শ্রদ্ধাবোধ বা ধর্মীয় চর্চ্চা ছাড়া হুদ্ধা সংস্কৃতি চর্চ্চা গুড়িগত পানি না ছড়িয়া
আগাতপানি ছড়ানির সমান । গীতা ভাগবত চর্চ্চা নাকরিয়া হুদ্দা সংস্কৃতি চর্চ্চা বুলিয়া বেশিদিন না টিকবো ।
শতশত বছর ধরিয়া আমি এতা পালন করিয়া আহরাঙতা ভগবানের সেবাহান বুলিয়া। আমার ধর্মীয় সংস্কৃতি পুঞ্চি
পালক ।
লেখকঃ
ঘোড়ামারা, কমলগঞ্জ, মোলভীবাজার,
সিলেট, বাংলাদেশ।
তথ্যর লিমঃ
0 Comment "মহাবিষু বারো আমার ঠারে "বিষু উৎসব" এহান কিহান?"
একটি মন্তব্য পোস্ট করুন