সেলফি
সেলফি তুলানি মনিয়া আছু কোম্পাগাত্ত বাসিয়া
মানু খানি কমকা বুলিয়া,
সময় যারগা মাঙুয়া পুজার দিনহান ইয়া
মানুয়ে বুজলাগা আহিয়া।
নুয়া ফোনহান লয়াতে লাছ পাউরিতা আপ্পানে
বয়স বপিলুগ বুলিয়া,
মানুরে চেইলে বেসেপ অহানে সাহস করিয়া
ধরলু ফোনহান আটিয়া।
ছাত্রসৌ আগই দেখিয়া মাতের দাবদে আহিয়া-
“স্যারেতে, সেলফি তুলতেক?
আমুনি তিনগ তুলিয়া জুহান খানি কামারিয়া
আইনে মুঙহান্দে খানিক্ক।
আঁখিগি সেরেন্দা করিয়া একিউট এঙ্গেলে চেয়া
মরাগর অসারে তুলনে,
কতিঔ হবা লাগতেই কনাকগ পারা ইতেই
স্যার, মরে আকমু চানে”।
আমার হুরকাং কালে মাষ্টর ডরপিয়া ঘরে
থাইতাং কতি পনা পনা,
আগের অরে যুগ নেই আছে জেনারেশন গ্যাপ
মাতিয়া কিতা ইতই কানা।
কত নমুনার সেলফি কত কাইদান তুলিয়া
দেখাদের মরে বারে বারে,
মি চেয়া যেসারে পারুরি অসারে তুলতৌ বুলিয়া
ইবগা যাগা বুললু তারে।
এপাগার আমার সৌর বুদ্ধি লৌশিং চৌখাত
করলে খানিমানি তালাবি,
আমারে ঙালকরতাই বিশ্বর দরবারে গিয়া
আমার সমাজর সেলফি।।
সদস্য, ডেভেলপমেন্ট অব বিষ্ণুপ্রিয়া মণিপুরি লেঙ্গুয়েজ,
ত্রিপুরা সরকার।
ফটো ভার্সনঃ
0 Comment "সেলফি (কবিতা)"
একটি মন্তব্য পোস্ট করুন