সার্বজনিন পূজা এতা কি উদ্দেশ্যে অরতা ?
কোন নুয়ারা আগ বালা অনার কাজে, না কোন বিপদ আপদ পড়িয়া অহাত্ব উদ্ধার অনার কাজে ?
উদ্দেশ্য এতা নিয়া পূজা করলে যে ভক্তি শ্রদ্ধা বা ঐকান্তিকতা থার, সার্বজনিন পূজাত এহার খানি কমতি থার সাত যার কারনে দলাদলি এতা অরতা। বাস্তবতাহান অনেক পূজাত গিয়া থপু বিসারিয়া পানাও মুশকিল অর। মোর লেখা এহান পূজা বন্ধ করানির কোন উদ্দেশ্যে নাবে, আমার রুহিবৃত্তি বজায় থুয়া পূজা করানি বারো আমার সংস্কৃতিহার অনুষ্ঠান করানির অনুরোধহান গিরিগিথানিরাং। কারন ইমা মিমুত ইয়া গেলেগা ক্ষতি ইতই সৈনেই। পূজার দশমীর দিনে যে অবস্থাহান অহান আরতাউ আমারে মিমুত করের। আমার মণিপুরী সমাজ সভ্য, সংস্কৃতিমনা বুলতারা হাবিয়েও। কিন্তু বিসর্জনাত যে অবস্থাহান গত ৪/৫ বছর দরিয়া দেখরাঙ অহান সমাজর উল্টা চিত্রহান। আগে ডাক করতান বাড়িয়া ইমার এলা দিয়া দিয়া দলাইহাত বিসর্জনা করলাগা এবং আহিয়া অর রং খেলিয়া ফূর্তি করলা, ফল মূল খেয়া নমকরলা। বিসর্জনার সময় প্রতিমা অগর কোন অঙ্গ বাগানি মহাপাপ হান। ট্রাকে চড়িয়া এলাকাত পাকদিলে যে প্রতিমাগ থার প্রতিমা অসর অঙ্গ হানি অনার সম্ভাবনা থার। ট্রাকহাত্ব দলাইহাত বেলিয়া বিসর্জন দেনাও নিজর অজ্ঞতাহান প্রমান করের। এ কারনেই সমাজ কল্যাণর পক্ষত্ব সমাজর রুহিবৃত্তি মানিয়া বিসর্জন করানির অনুরোধ করানির পরেও অনেক পূজায় অনুরোধ রক্ষা না করলা। যেতাই বিষয় এহান উপলব্ধি করিয়া আমার রুহিবৃত্তি মতে বিসর্জনা করলা তাঙরে থাকাত। লেরিক তামকরতারা আমার সউ সুমারায় বিষয় এহান হারপিয়া নিজরে নিয়ন্ত্রণ করানি থক। কারন ডাঙর অনার পরে আজিকার দিন এহান্ন আফসোস না করানি। আকদিন নিজরে অভিভাবক ইলে সমাজর রুহিবৃত্তি হারপানির পরে আজিকার এহান অপরাধহান এহান উপলব্ধি ইতই। নিজর সউ সুমারারে নিয়ন্ত্রণ করানি আরতাউ কঠিন ইতই। সর্বশেষ হাবিয়ে তিলুয়া সমাজর রুহিবৃত্তিহান জিংতা করিয়া থুইক। সমাজহান আরতাউ আন্তর্জাতিক মহলে ঙালকরিক।
লেখক
কমলা বাবু সিংহ
মাধবপুর, কমলগঞ্জ, বাংলাদেশ।
অপেক্ষা করানি লাগতয় খানি
উত্তরমুছুন