সুস্থ সমাজর কাজে নেশা করানি অহানরে না বুলিক-ডাঃ স্বপন কুমার সিংহ

কোন সমাজ আহানরে ধ্বংস করতে ইলে ঐ সমাজর যুব সমাজরে ধ্বংস করেদেই, ঐ যুব সমাজরে ধ্বংস করতে ইলে তানুরে মাদকের নেশায় আসক্ত করেদেই ।  যুদ্ধ করিয়া আমারে ধ্বংস করে নুয়ারেছি বা নুয়ারবা কিন্তু এরে নেশা জাতীয় দ্রব্য আমার মস্তিষ্ক ধ্বংস করতই , আমারে ধ্বংস করতই ।  আমার সমাজর গাউরাপা এটাই আমার সমাজর পরবর্তী দায়িত্ব নিতাইগা ।  তানুরে ঐ দায়িত্ব পালন করানির উপযোগী করিয়া গড়িয়া তোলানি ছাড়া বিকল্প পথ নেই ।  মাদকের নেশার হবানেই পথ এহাত্ত সুস্থ সুন্দর হবা পথে আনানি এহান সমাজর সামাজিক দায়িত্ব আহান । কীহান করণীয় –
ব্যক্তিগত কতহান পরামর্শ ,
>> মাদকের ক্ষতিকর দিক এতা সমাজর মানুরে সচেতন করানি । 
>> মাদকের বিরুদ্ধে বিষ্ণুপ্রিয়া মণিপুরীর সামাজিক সংগঠন একযোগে কাজকর্ম করানি।
>> মণ্ডপে মণ্ডপে , উৎসব অনুষ্ঠানে মাদকের ক্ষতিকর দিক নিয়া সেমিনার বা আলোচনা করানি । 

সামাজিক বারো ধর্মীয় অনুষ্ঠানে সিগারেট পিনা বার আপ্যায়ন করানি নিষিদ্ধ করানি ।  আমি ধর্ম চর্চার কাজে পূজা করিয়ার , ভক্তি করিয়ার ।  আমার ধর্মে নেশার স্থান নেই ।  নেশা করিয়া পূজা করানি , ভক্তি করানি এহানতে অধর্ম চর্চা অর ।  সুস্থ বারো ভারসাম্যমূলক সমাজ আহান গঠন করতে নেশার অসারে মারাত্মক অভ্যাস পরিত্যাগ করানি এহান জরুরি ।  আমার যুব সমাজ এহানরে নেশামুক্ত করানি অহান এপাগা সমাজর জরুরি কর্তব্য আহান ।  কিদিয়া মাতলেতে যুব সমাজ এহানেই সমাজর সংকটকালে বীরবেশে আবির্ভূত ইয়া সমাজরে সংকটমুক্ত করতারা ।

লেখক

ডাঃ স্বপন কুমার সিংহ

মৌলভীবাজার, বাংলাদেশ।

Share :

Tweet

✚

আরও কিছু পোষ্টঃ