মহারাস লীলার ওয়ারি
মণিপুর লাম এহানর গজে আলোচনার পয়লাদে মণিপুরর মাটিত থাগেসেগা লগতাক হ্রদ এগর সম্পর্কে আলোচনা বা হারপানি থক , কিদিয়া বুললে ঔ লগতাকর লগেই অঙ্গাঙ্গিভাবেনাপয়া আসে বিষ্ণুপ্রিয়া মণিপুরীর ইতিহাস ।
এ মৈতৈ মণিপুরী দাপা আহানে বিষ্ণুপ্রিয়া মণিপুরী দাপা এহানরে মিয়াং/খালাসা/ কালেসা মাত্তারা ।
এরে 'মিয়াং' ওয়াহি এগর অর্থহান অইলতাই-বিদেশী ।
যেহান চীনা ঠারর অপভ্রংশ হান । চীনা ঠার 'Meung' ওয়াহি এগত্ব Miyang বা Mayang ওয়াহি এগ হঙসে বুলিয়া প্রাবন্ধিকারে উল্লেখ করেসি । আরাক বেদে ঐতিহাসিক মহেন্দ্র কুমার সিংহ বারো ভাষাতত্ত্ববিদ মঙ্গল বাবু সিংহ 'ময়াং'ওয়াহি এগর বিশদ ব্যাখ্যা করিসি ।
'ময়াং' শব্দে গন্ধর্ব নির্দেশ করে ' বুলিয়া মাতেসি ।
বারো চীনা ওয়াহি 'খালাসা' মানে 'বদ্ধজলের সন্তান' ঔ 'খালাসা' ওয়াহি এগর কারণেই ইতিহাসর মিমুত অসে য়ারি উহান ফঙকরের যে বিষ্ণুপ্রিয়া মণিপুরী এতা মণিপুরর আদিবাসী । বিষ্ণুপ্রিয়া মণিপুরী দাপা উহান মণিপুরর লগতাক হ্রদর কাদাবারাত বসবাস করলাতা , ঔহানে মৈতৈ মণিপুরী দাপা উহানে বিষ্ণুপ্রিয়া মণিপুরীরে 'খালাসা' বুলিয়া ডাকলাতা ।
*"Kha-la-chais evidently means the children of the wide lake ,and probably refer to the race of people who lived in the plain portion of the Manipur valley"*
ঐতিহাসিক আর এম নাথ 'খালাসা'বুলতে কিহান মাতের -
*"The big lake is called kha-la-(kha-close water,lake :la wide) by the Chinese and the country of the wide lake was called meung -kha-la which has gradually been transformed intoLinguistic survey of India মা বিষ্ণুপ্রিয়া মণিপুরী দাপার ঠার হানরে ইন্দো ইউরোপীয়ান ঠারর অন্তর্ভুক্ত করেসি । বারো মৈতৈ দাপারে তিবেতো-বার্মানর অন্তর্ভুক্ত করেসি ।
বিষ্ণুপ্রিয়া মণিপুরীর ইতিহাসল যেসাদে ঐতিহাসিকর মত তিল নেই ঠিক ঔসাদে মৈতৈ দাপার ইতিহাসলৌ মত তিল নেই ।
ডঃ এস কে চ্যাটার্জীর মতে "The meithei or Manipuri are the most advance section of the kuki chin people"
বারো T.D Hodson is opinion that the group name meithei has been derived from 'Mi-man/people and thei-separate ,"
টি,ডি সাহেবর তথ্য এহানাত্ব হারপেয়ারহান যে ভিন্ন জাতির সংমিশ্রণে হঙসে মেইথেই বা মৈতৈ জাতি ।
Brain H. Hodgson গিরকে বারো Moitay বুলিয়াও উল্লেখ করেসে । mekhali or mekhley"*বিষ্ণুপ্রিয়া মণিপুরীরে বারো ভাষা গত তঙালর কারণে দুহান ভাগে ভাগ করেসি , রাজার গাঙ(king villagers)
মাদইগাঙ (Queen villagers) ঠিক উসাদে Valley Society of Manipur গ্রন্থর মাতুঙ ইলয়া মাততে গেলেগা মৈতৈ মণিপুরীরে তিনহান ভাগে ভাগ করেসি -
*"They are formed of three distinct groups namely The Mitaya Ariwa/Nongchup Haram /and Nongpok Haram, the last two groups are foreigners who were gradually absorbed in the meithei fold through the adoption of lineage customs and behavior,"*
ঔহানে মৈতৈ উতায় Nongchup Haram দাপারে Mayang বুলিয়া ডাহেসি ।
*"It may be mentioned here that some of the common meitei particularly the Nongchup Haram are called Mayang to distinguish them from Mitaya Ariwa,"*
এবাকা আঙসিল অইক আলোচনা বিষয় হানাত বিষ্ণুপ্রিয়া মণিপুরী বারো মৈতৈ মণিপুরী দ্বিয় দাপার ঠার তঙাল অইলেও সংস্কৃতি কিন্তু তঙাল নাগই । ১৭০৯-১৭৪৮ এর আগে মৈতৈ দাপা উহানে বনর দৌ হমাদেসি , ঔ দৌ অতা ইলাতাই -নংপুক/নিংফেট/পানথৈবী/থাংজিং আর আরতাও । এহানর প্রমাণ ঐতিহাসিক এম কীর্তি সিং গিয়াসে *"The Bishnupriya are traditionally Hindus , the meithei accepted vaishnavism during the reign of Gareeb Niwaz (1709-1948) and the cult of Goudiya Vaishnavism florished during the reign of Jai Singh(1759-1798)"*
বিষ্ণুপ্রিয়া মণিপুরী জাতি এহান প্রাচীন কালেত্ব বর্ণ হিন্দু অনির কারণে হিন্দু দৌদুকর পূজা করলা , বর্তমান মণিপুরে আসে বিষ্ণু মন্দির এহানর ডাঙর প্রমাণ আহান ।
মণিপুরর কাদার দেশহান মায়ানমার (Burma)অর বাগান (পাগান) অঞ্চলে বিষ্ণু মন্দির আগ আবিষ্কার অসে যেগর নাঙ হান "নাথলাঙ কিয়াং মন্দির (Nathloung kyaung temple) বুলিয়া মাততারা । ৯৩১খৃ: হঙসে ঔ বিষ্ণু মন্দিরর তুল এব্বাকার মণিপুরর বিষ্ণু মন্দিরর গঠনশৈলী উহান আকহান । ঔহানে অনুমান করে পারিয়ার যে ও মন্দির উগ দশম-দ্বাদশ শতাব্দীর খেলতামে হঙসেগ ।
বারো এহানাত্তই প্রমাণ অর যে দশম দ্বাদশ শতাব্দীর উবাকা মণিপুর বারো কাদার দেশ মায়ানমারে হিন্দু রাজার প্রভাব আসিল । প্রসঙ্গত আরাক বিষয় আহান মাতিয়া থনা থক যে মহারাজা পামহৈবার আরাক নাঙ আহান "গরীব নেওয়াজ" যেহানর অর্থহান দরিদ্রের আশ্রয় । 'নেওয়াজ' শব্দ উহান পার্শী শব্দ হান যেহান গিরকে মুসলমানরাঙত পাসিলহান । গিরক রাজা অনার পিসেদে মণিপুরর যা যাবতীয় ধর্মগ্রন্থ উতারে পুড়ে দেসিল ।
ঔতা বাদেও গিরকর সম্পর্কে লেপ্পা ইতিহাস না পানিয়ে গিরকরে অনুপ্রবেশকারীগৌ বুলতারা ।বারো এরে গরীব নেওয়াজ উপাধি মণিপুরে কুঙ্গই দেসিল/দেসিলা উহানরও সঠিক প্রমাণ নাপাসি । কিন্তু অনুমান আহান করে পারিয়ার যে মায়ানমারর আরাকান অঞ্চলে মুসলিমরাজাও রাজত্ব করেসি বারো ঔ রাজা উতার তুল ঔ সময়ে ১৪৩০-১৬৩৮ উগদে 'সলাইম্যান শাহ'(নরমেখলা) রাজত্ব করেসিল । ঔ সময়ে বাংলার নবাবগ আসিলতাই জালাল উদ্দিন মহম্মদ শাহ ।
উহানর প্রমাণ Dr Yunus তার করপেক হানাত মাতেসে *"Buddhism, Hinduism or Islam has had strong influence on the religious predominance over arakan during the same period."*
ঔহানে অনেকে নিঙকরতারা ১৭০৯ অর মাপাত পামহৈবা অনুপ্রবেশ করেসিল । কিন্তু ঐতিহাসিকর বিতর্ক লম নেই ।
A short history of manipur করপেক হানরমা গরীব নেওয়াজর আরাক নাঙ গোপাল সিং বুলিয়া উল্লেখ করেসে । বারো ঔ লেরিকেই মণিপুরর মাটিত ৬৭গ রাজা রাজত্ব করেসিলা বুলিয়া দাবি করেসি কিন্তু মেলাগ ঐতিহাসিক তানুর ইকরা লেরিকে ৩৩খৃ: ১৯৪৯ অর সময় এহানাত ৭৬ গ রাজা রাজত্ব করেসিলা বুলিয়া দাবি করেসি ।
এহানাত প্রশ্ন আহান উঠের যে ৩৩খৃ: আগে মণিপুরর মাটিত কী কোনো রাজা রাজত্ব নাকরেসি থাঙ ? উহান হারপানির আগে ড: সুনীতি কুমার চট্টোপাধ্যায়র "কিরাত জন কৃতি" লেরিকে ইকরেসে মন্তব্য আহান চেইক-"King Bhagya Chandra or Joi Singh was the 54th king of Manipur after pakhangba" তারমানে ২য় শতকের ১৮শ শতকর ভিতরে ৫৪গ রাজা রাজত্ব করেসিলা , বারো ঔ লেরিক উহানাতেই মাতেসে বভ্রুবাহন এত্ব পাখাংবার সময় উহান পেয়া মোট ১৩গ রাজা রাজত্ব করেসি । এহানাত আর এম নাথর উক্তি আহান তুলিয়া ধরানি ইল -
"As in Burma , inspite of the fact that Debanagari Pyu ,Talaing and Pali scripts had been is use for a very long time,Anwarta the great introduce the new Burmese script in 1044 A.D so in Manipur inspite of the Debanagari script which the kha-la- chais might have been using."
কোনো কোনো ঐতিহাসিক এ ভূল তথ্য দিয়াও ইতিহাস রচনা করানির চেষ্টা করেসি । ডঃ চ্যাটার্জীর মতে ৩৩খৃ: যে পাখাংবাগর উল্লেখ করিসি উগ ১২০ বছর রাজত্ব করেসিল কিন্তু ইবহাল সিংহর পাখাম্বা মাত্র ৪০ বছর রাজত্ব করেসিল উতাও ৯৮০-১০২০ খৃ: অর্থাৎ দশম শতকে । উহানাত্ত প্রমাণ অর ইবহাল সিংহর এতা হাবি গতিবিধি বারো মনগড়া কাহিনী ইকরিয়া বিষ্ণুপ্রিয়া মণিপুরী অস্তিত্ব হানরে মুসানির চেষ্টা করেসিল । বারো কোনো রাজা আগ ১২০বছর রাজত্ব করানির য়ারি এহানৌ সাধারণ পাঠক সমাজ হজম করতে হিনপিতাই । যদি ইবহাল সিংহর সমর্থন করিয়ার উহান ইলে ৯৮০ আগে কুঙ্গ রাজত্ব করেসিল ?এ বিষয় এহানর নিশ্চয়তা নেই আর এম নাথ এ মাতেরতাই --
"The Manipuris are divided into two main tribes the kha la chais who call themselves Bishnupriya are supposed to have been the first ruling race and the meithei or meitei who call themselves real Manipuri are supposed to have been the next immigrants their language is distinctly different the kha la chais language is more than akin to the kamrupi tongue . And the meithei language is more akin to the Bodo Chinese group."
এবাকা বিষ্ণুপ্রিয়া শব্দর গজে আলোচনা করানি থক , মেলাগই এহান স্বীকার করেসি যে বিষ্ণুর প্রিয় অর্থে বিষ্ণুপ্রিয়া । বিষ্ণুর প্রিয় কিয়া ? বিষ্ণুপ্রিয়া মণিপুরী দাপায় নিজরে অর্জুনর বংশধর নিঙকরতারা ।
মহাভারতর আদিপর্বানুসারে তৃতীয় পান্ডব অর্জুন মণিপুরে আহেসিলি বারো চিত্রাঙ্গদার লগে লহঙর বাঁধনে বাঁধে সিল । পিসেদে মুনিসৌ আগর জরম অসিল যেগর নাঙ বভ্রুবাহন ।
ঔতা বাদেও অর্জুন মণিপুরর মাটিত আহেসিল উহানর প্রমাণ "মণিপুরী প্রসঙ্গে কিছু কথা ও রাসলীলা" নাঙর প্রবন্ধ উগত ইকরেসু ।ঔতা বাদেও ঐতিহাসিকর তথ্য উহান তলে দেনা অইল ।কালেসা/খালসা মণিপুরর আদিবাসী ঐতিহাসিকে ইকরেসিতা --
"It is quite probably that the kha la chais were the first cultured race is possession of the Manipuri valley.and they were connected more with the neighbouring kingdom of kamrup than with other countries and that is why their language is more akin to kamrupi .It is also very likely that is very early times they were influenced by the Vishnu cult either from kamrupa or other parts of India , and they named their capital town as Vishnupur . The meitheis were later immigrants . They were more akin to the Chinese or the thais .and their language and habits are more Mongolian,"
আরাক বেদে ১৭৯৪ মারিত গোস্বামী শান্তি দাস মণিপুরে গেসিলগা বারো তার প্রচারিত বৈষ্ণব ধর্ম বা রামান্দী ধর্ম উহানর ভাবাদর্শে সম্পূর্নভাবে প্রভাবিত অয়া পামহৈবা বৈষ্ণব ধর্ম লসিল । এহান হাবিয়ে হারপাসি যে বিষ্ণুর উপাসক=বৈষ্ণব । ইতিহাসে পেয়ারতা --
"Vishnu cult got a further impetus khagendra (1579-1651) installed a Vishnu image in Yengbam village , and it is still known as khagendra Vishnu temple and palaces were built with bricks by architects brought from tipperah and Koch behar guns were cast in bell metal in 1627 AD khagendra introduced the meithei as the court language is place of Vishnupria or kha-la-chais language."
গজর ইকরা এহানাত আমি বিষয় এহান উপ পারিয়ার খগেন্দ্র গিরকে কি ধরনর কাম করিসে ।
আরাক বেদে valley society of manipur করপেকে এম কীর্তি সিং গিরকর তথ্য উহান যে পয়লা উল্লেখ করেসিলু উহানৌ ডাঙর প্রমাণ আহান ।
বিশিষ্ট ঐতিহাসিক আর,কে সাহা মাতেরতা
The Bishnupriya Manipuri are first cultured ruling in the Manipur and meithei are next I'm migrants ."
এবাকা গজর তথ্য অনুসারে যদি আলোচনা অর উহান ইলে পরিস্কারক মাতে পারিয়ার যে মণিপুরর পয়লাকার ভাষা হান বিষ্ণুপ্রিয়া ।
আর এহানর প্রমাণ মৈতৈ পুরান বিজয় পাঞ্চালির ২য় খন্ডর ২৬৮নং পাতাত পেয়ার ---
"ওঁ কারাদি উচ্চারণ পূর্বে হইতে হয় ।
কালক্রমে সংস্কৃতের ভাষার ব্যত্তয় ।।
এইহেতু মণিপুর আর্য্যজাতি কয় ।
সেহেতুক শাস্ত্ররীতি কর্মাদি করয়।।
ডঃ কালীপ্রসাদ সিংহর মতে "This language (Bishnupriya)was formed in the land of Manipur in such village like Hirok Khangabak."
অনেকগই বারো মহাভারতর মণিপুর বুলতে উড়িষ্যার মণিপুর বুলিয়া দাবি করতারা । যদিও প্রখ্যাত ভাষাতত্ত্ববীদ ডঃ চ্যাটার্জী ("কিরাতা জন কিরিতি "
Contribution Indo mongoloid people culcutta 1950and edition 1974 page no 124 edited by sanjaoba in Manipur past and present page no 4 ) লেরিকে পেয়ার
"The legend of Arjuna and chitrangada which is very well known in India became one might say , the pirot for linking up Manipur with Brahmanical purana tradition ."
গজর তথ্য উতা ইলয়া আলোচনা করলে এহান নিশ্চিত যে মণিপুর এহান আর্য্যজাতির লাম আহান । বিষ্ণুপ্রিয়া মণিপুরী নিজরে অর্জুনর বংশধর পঞ্চ বিষ্ণুপ্রিয়া বুলতারা ঔতার প্রমাণ ও ইতিহাসে পেয়ার ।
বভ্রুবাহনর বংশধর ক্ষমূল ,মৈরাঙ,আঙম,লোয়াং বারো মাঙাং এই পাঁচ হান ভাগে ভাগ করেসি।
History of manipur লেরিকে পঞ্চবিষ্ণুপ্রিয়ারে The five principalities বুলিয়া উল্লেখ আসে ।
এহানর সমর্থনে MC cullock গিরকে উল্লেখ করেসেতা ---
The Bishnupriya Manipuri divided into five claims namely Khumal/Moirang/Angom/Luang/and Mangang in five regions of manipur valley and they were collectively known as "Pancha Bishnupriya".
মণিপুর রাজ সভার সভাকবি লাঙ্গুই লাখোই গিরকে ইকরেসেতা
"পশ্চাৎ স্বারস্বতৈস্তং শশধর কুলজৈর্মুদগলপত্য গৌত্রে: ।
লব্ধা সাম্রাজ্য লক্ষী সুবিদিত চরিত্র বভ্রুবাহশ্চ শ্রেষ্ঠৈ: ।।
[মণিপুরীদের ইতিহাস-দীননাথ সিংহ থেকে সংগৃহীত]
অর্থাৎ তৃতীয় পাণ্ডুপুত্র অর্জুনর ঔরসে চিত্রবাহুর জিলক চিত্রাঙ্গদার উরুকে মদুগল্য গোত্রর বভ্রুবাহন জরম অইল যেগ মণিপুর রাজ্যর অধিপতিগ ।
অমিত সিনহা বিষ্ণুপ্রিয়া
কৈলাসহর(নুয়ালাম), ইন্ডিয়া ।
0 Comment "মহারাস লীলার ওয়ারি-অমিত সিনহা বিষ্ণুপ্রিয়া"
একটি মন্তব্য পোস্ট করুন