শালিগ্রাম
সঞ্জয় সিংহ
“শাল” নাঙ এহান আমার মানুর ঠারে শালি মাতরাঙ । “শালিগ্রাম” নাঙ এহার অর্থহান ইলতাই “কৃষ্ণ বর্ণ” বারো আমার ঠারে অহানরে নিখুৎ কালা বুলরাং । এরে শালিগ্রাম এগোরে নিয়া বাক্কা শাস্ত্র কাহিনী আছে । তবে, কোনহান সেঙপা হাইহান অহান আমি হারনাপাসি ।
কথিত আছে, সময় আহাত মিথিলার নরেশ কুশদ্বজর জিলক তুলসীয়ে হুরকাং কালেত্ত শ্রী হরির ভজনা করিসে । তেই সংসারোর মায়া এরাদিয়া লুপা বন আহাৎ গিয়া ভগবানর ভজনা করেসিলি । অহাত ভগবান শ্রী হরি তুলসীর নিঃপাপ ভজনে থা নুয়ারিয়া দেখা দিয়াসে । দেখা দিয়া কিহান চেইরিহান আঙকরিসে । তুলসীয়ে চেইলো বরহান ইলতাই “প্রভু মি তরে মর হেইকগো রূপে পানা হাদাপাউরি ।” শ্রী হরি অহান স্বীকার না করলো । অহার পরিবর্তে আরাক আহান চানারকা হেইচা কাতকরিসে । কিন্তু তুলসী আরতা কিত্তাউ নাচাসে । ভগবানে অহান দিয়াদে নুয়ারিয়া গেলগা । আরাকমু ভজনাৎ বহিলি তুলসী । অহাতউ ভগবান থা নুয়ারিয়া দেখা দিয়াসে । কিন্তু তেই চেইরিহান আকহান । তেমাউ দিয়া নুয়ারিয়া ভগবান গিয়াসেগা । তুলসীওউ পিসহান না এরাদিলো । আরাকমু বহিলি আরাধনাৎ । নিঙসাগো বন্ধ করিয়া আরাধনা আরম্ভ করিসে । ভগবান এমতাগাউ থা নুয়ারি তেইর মুঙে প্রকট ইসে । তেইর চানাহানউ আকহান । অহাৎ ভগবান শ্রী হরিয়ে তেইরে মাতলোতা । “হে তুলসী, মি তরে কিসারে এরে বর এহান দিতউতা ? এরে জাগা এহান আরাক আগোই তর আগেই হংকরিয়া থসে ।“ তুলসীয়ে বিস্তারিত আঙকরলে ভগবানে মাতেরতা, “তুমার বংশৎ তর আপা বপা কেদার রাজার জিলক বৃন্দা । তেইওউ তরসারে ঠিক এরে জাগা এহাত আহিয়া মর আরাধনা করেসিলি । তরসারে তেইওউ বহুবার আরাধনা করিয়াও মি মিনকর স্থান এহান দিয়াদে নয়ারিসিলু । কিন্তু তেইর ভক্তিতে মি নাদিয়াদিয়া নুয়ারলু । অহান্ন তেই তর আগে । তেইর স্থান তর আগে অনা থক ।“ তুলসীয়ে হুনিয়া মন বাগোবরলিগা । ভগবানে অহাৎ তুলসীরে মাতলোতা, “হে তুলসী, তি মন খারাপ নাকরি । মি সময় আহাৎ তর আকমু ইলেও হেয়কগো ইতউ । বারো আরাক আহান । এরে জাগা এহান তর আগে বৃন্দাই অধিষ্ঠাত্রী ইসিলি বুলিয়া ‘বৃন্দাবন’ ইসে বারো তি মর তেইরসারে প্রিয়াগো বুলিয়া তিওউ তেইরসারে সম মর্যাদা পেইতেই । আস্তা বৃন্দাবনে হাবিত্ত পূণ্য চেল্পা পুনশিপা সপাহান তর নাঙে অক । বারো মানুয়ে মর সেবা-পূজা-আরতিৎ তর সপাহার পাতাহান ছাড়া নাক । তি এপাগা সংসার ধর্ম পালন কর ।
তুলসীওউ অরে সময় অহাৎ টকবগে যৌবনহান । তেই অহাত্ত আহিয়া গঙ্গাহাত বহিয়া আসে । অরে সময় অহাৎ শারদী পুত্র গণেশ গঙ্গাহার কাদাহাৎ বহিয়া তপস্যা করেরহান । শ্রী রূপবান গনেশরে দেখিয়া তুলসী কাম ভাব উদ্দেগ ইয়া বরিলিগা । তপস্যারত গণেশর কাদাহাৎ আহিয়া তেই তার লগে অতারানির উদ্দেগ করলো । যেপাগা গণেশ ধ্যানহান বাগিয়া উঠিল অহাৎ তেইরে মাতলোতা, “হে সতী তুলসী । তি এহান কিহান করুরিহান । তি ভগবানরে আরাধনা করিসৎ মানুগোই পৃথিবীর মায়াৎ হমিয়া হাবি পাহুরে বেল্লেহাননা কিহান ?” তুলসী অহাৎ গণেশরে চিনিয়া ক্ষমা চেইলো । কিন্তু গণেশে তেইরে অভিশাপ আহান দিলো । যেহান্ন তেই শঙ্খাসুর নামক অসুর অগরে লোহং করেসিলি । শঙ্খাসুর বারো রাক্ষসে দেবোলোক আক্রমণ করেসিলা । দেবতায় শঙ্খাসুররে মারে নুয়ারতারা । কিদিয়া বুলতে তুলসীর সতীত্ত অহার গুণ অহানে । পরে শ্রী হরিরাং গিয়া দৌয়ে প্রার্থনা করলে শ্রী হরি তুলসীর সতীত্ত অহান বাগানির কাজে শঙ্খাসুরোর রূপহান ধারণ করিয়া গেছিলগা । গিয়া তেইর ঘরে ভগবান শ্রী হরি স্বামী রূপে হমিলগা । অহাতই তেইর সতীত্বহান ভঙ্গ ইয়া পরিলগা । অহাৎ দৌয়ে শঙ্খাসুররে মারানি পারলা । কিন্তু সতী তুলসীয়ে ভগবানরে চিনে বেল্লো । অহাৎ ভগবানে তেইর সতীত্ত ভঙ্গ করে দেসিল বুলিয়া তেই ভগবানরে অভিশাপ দেসিলি যে, “তর এরে ছলকারী স্বরূপ এহান্নো শিলাগো ইয়া থাইস ।“ তুলসীয়ে পরে হেয়কর নিঙে কাদিয়া মাতলোতা , “প্রভু মর হেয়করতা এপাগা কিহান ইতই ?” অহাৎ শ্রী হরিয়ে মাতলোতা , “খানিপ্পারা বাহা ! খানিপ্পারা বাহা ! মি তর অভিশাপ এহান মুরগোৎ তুলিয়া নিলুগা । পরোর যুগে তর হেয়ক অগো মর সখাগো অক । বারো এর পরোর যুগে অর্থাৎ, কলিৎ গিয়া তর হেয়কর শঙ্খ অর্থাৎ, শঙ্খগোর ধ্বনি বারো তর সপাহার পাতা ছাড়া মর পূজা নাক । মি তরে এরে বর এহান দেউরি ।” পরোর জন্মে শঙ্খাসুর ইলগাতাই শ্রী কৃষ্ণর সখা শ্রীদাম । এরে এহানউ কাহিনী আহান ।
এসারে আরাকউ কাহিনী আছে ।
তাৎপর্যঃ হরিভক্তিবিলাস এহান ইলতাই বৈষ্ণবর প্রামান্য গ্রন্থ আহান । এরে গ্রন্থ এহাৎ শালিগ্রামগো অর্চনা করতেগা গিয়া নানান বিধিনিষেধর কথা মাতেসি । এহাত্ত শালিগ্রাম শিলা পূজানিত্যতা নামক অধ্যায় অহার ৫ম বিলাসে মাতেসিতা,
“শালগ্রামশিলাপূজং বিনা ষোহশ্নাতি কিঞ্চন ।
স চুলাদিবিষ্ঠায়ামাকল্পং জায়তে কৃমিঃ ।।”
অর্থহান ইলতাই, শালিগ্রামগোর অর্চনা নাকরিয়া প্রভু প্রসাদ গ্রহণ করলে চুালাদির বিষ্ঠাৎ
কৃমিগোইয়া কল্প কাল যাবৎ থানি লাগের ।
গৌরবাচলশৃঙ্গাগ্রৈর্ভিদ্যতে তস্য বৈ তনুঃ ।
ন মতির্জায়তে যস্য শালগ্রামশিলাঅর্চনে ।।
বারো,
শ্রীভগবান সর্বৈঃ শালগ্রামশিলাকস্তুঃ ।
দ্বিজৈঃ স্ত্রীভিশ্চ শূদ্রেশ্চৈ পূজ্যো ভগবতঃ পরৈঃ ।। (হরিভক্তিবিলাস ৫.৪.২২২)
অর্থাৎ, শালিগ্রাম শিলা অগো অর্চনা করানিৎ যেগোরতা মন না বহের অগোরে গিরিশৃঙ্গ ফাকরিয়া গারিগোৎ বিদাদেনা অর । বারো,বিধানে দীক্ষিত ইয়া ভগবানর অর্চনা করতারা অতা যেমন, বিপ্র, ক্ষত্রিয়, বৈশ্য , শূদ্র বারো জেলাগো ইলেও অগোই শালিগ্রামগোর পূজা করানি উচিৎ ।
অর্থাৎ, স্কন্দ পুরান (হরিভক্তিবিলাস, ৫ম বিলাস, অধ্যায়- শালগ্রামশিলাপূজানিত্যতা, শ্লোক নং-২২২)
স্কন্দ পুরান মতে- ‘শালিগ্রাম শিলা অর্চনায় যার মতি না জন্মে, গিরিশৃঙ্গ পাতিত করিয়া তার দেহ বিদ্ধ করা হয় ।’
ব্রাহ্মণ ক্ষত্রিয় বিশাং সচ্ছৃদ্রাণামথাপি বা ।
শালগ্রামেহধিকারোহস্তি ন চাণ্যেষাং কদাচন ।।
স্ত্রিয়ো যা যদি বা শূদ্রা ব্রাহ্মণাঃ ক্ষত্রিয়াদয়ঃ ।
পূজায়িত্বা শিলাচক্রং লভন্তে শাশ্বতং পদং ।।
অর্থাৎ, ভগবানে দীক্ষিত ভক্তি ব্রাহ্মণ, ক্ষত্রিয়, বৈশ্য, শূদ্র যে জাতরই ইয়া থাক অগোই শালিগ্রামগো পূজা করানির অধিকার পার বারো শাশ্বত পূজার ফল অবশ্যই পেইতই বুলিয়া স্কন্দপুরাণে উল্লেখ আছে । হুদ্দা জেগই শালিগ্রামগোর কোন বিশ্বাস না নাকরের বারো হরি ভক্তি নেই অগোই ভক্তিহীন ইয়া শালিগ্রামগোর পূজা করলে তারতা পাপর আর শেষ নাথার ।
কথিত আছে, সময় আহাত মিথিলার নরেশ কুশদ্বজর জিলক তুলসীয়ে হুরকাং কালেত্ত শ্রী হরির ভজনা করিসে । তেই সংসারোর মায়া এরাদিয়া লুপা বন আহাৎ গিয়া ভগবানর ভজনা করেসিলি । অহাত ভগবান শ্রী হরি তুলসীর নিঃপাপ ভজনে থা নুয়ারিয়া দেখা দিয়াসে । দেখা দিয়া কিহান চেইরিহান আঙকরিসে । তুলসীয়ে চেইলো বরহান ইলতাই “প্রভু মি তরে মর হেইকগো রূপে পানা হাদাপাউরি ।” শ্রী হরি অহান স্বীকার না করলো । অহার পরিবর্তে আরাক আহান চানারকা হেইচা কাতকরিসে । কিন্তু তুলসী আরতা কিত্তাউ নাচাসে । ভগবানে অহান দিয়াদে নুয়ারিয়া গেলগা । আরাকমু ভজনাৎ বহিলি তুলসী । অহাতউ ভগবান থা নুয়ারিয়া দেখা দিয়াসে । কিন্তু তেই চেইরিহান আকহান । তেমাউ দিয়া নুয়ারিয়া ভগবান গিয়াসেগা । তুলসীওউ পিসহান না এরাদিলো । আরাকমু বহিলি আরাধনাৎ । নিঙসাগো বন্ধ করিয়া আরাধনা আরম্ভ করিসে । ভগবান এমতাগাউ থা নুয়ারি তেইর মুঙে প্রকট ইসে । তেইর চানাহানউ আকহান । অহাৎ ভগবান শ্রী হরিয়ে তেইরে মাতলোতা । “হে তুলসী, মি তরে কিসারে এরে বর এহান দিতউতা ? এরে জাগা এহান আরাক আগোই তর আগেই হংকরিয়া থসে ।“ তুলসীয়ে বিস্তারিত আঙকরলে ভগবানে মাতেরতা, “তুমার বংশৎ তর আপা বপা কেদার রাজার জিলক বৃন্দা । তেইওউ তরসারে ঠিক এরে জাগা এহাত আহিয়া মর আরাধনা করেসিলি । তরসারে তেইওউ বহুবার আরাধনা করিয়াও মি মিনকর স্থান এহান দিয়াদে নয়ারিসিলু । কিন্তু তেইর ভক্তিতে মি নাদিয়াদিয়া নুয়ারলু । অহান্ন তেই তর আগে । তেইর স্থান তর আগে অনা থক ।“ তুলসীয়ে হুনিয়া মন বাগোবরলিগা । ভগবানে অহাৎ তুলসীরে মাতলোতা, “হে তুলসী, তি মন খারাপ নাকরি । মি সময় আহাৎ তর আকমু ইলেও হেয়কগো ইতউ । বারো আরাক আহান । এরে জাগা এহান তর আগে বৃন্দাই অধিষ্ঠাত্রী ইসিলি বুলিয়া ‘বৃন্দাবন’ ইসে বারো তি মর তেইরসারে প্রিয়াগো বুলিয়া তিওউ তেইরসারে সম মর্যাদা পেইতেই । আস্তা বৃন্দাবনে হাবিত্ত পূণ্য চেল্পা পুনশিপা সপাহান তর নাঙে অক । বারো মানুয়ে মর সেবা-পূজা-আরতিৎ তর সপাহার পাতাহান ছাড়া নাক । তি এপাগা সংসার ধর্ম পালন কর ।
তুলসীওউ অরে সময় অহাৎ টকবগে যৌবনহান । তেই অহাত্ত আহিয়া গঙ্গাহাত বহিয়া আসে । অরে সময় অহাৎ শারদী পুত্র গণেশ গঙ্গাহার কাদাহাৎ বহিয়া তপস্যা করেরহান । শ্রী রূপবান গনেশরে দেখিয়া তুলসী কাম ভাব উদ্দেগ ইয়া বরিলিগা । তপস্যারত গণেশর কাদাহাৎ আহিয়া তেই তার লগে অতারানির উদ্দেগ করলো । যেপাগা গণেশ ধ্যানহান বাগিয়া উঠিল অহাৎ তেইরে মাতলোতা, “হে সতী তুলসী । তি এহান কিহান করুরিহান । তি ভগবানরে আরাধনা করিসৎ মানুগোই পৃথিবীর মায়াৎ হমিয়া হাবি পাহুরে বেল্লেহাননা কিহান ?” তুলসী অহাৎ গণেশরে চিনিয়া ক্ষমা চেইলো । কিন্তু গণেশে তেইরে অভিশাপ আহান দিলো । যেহান্ন তেই শঙ্খাসুর নামক অসুর অগরে লোহং করেসিলি । শঙ্খাসুর বারো রাক্ষসে দেবোলোক আক্রমণ করেসিলা । দেবতায় শঙ্খাসুররে মারে নুয়ারতারা । কিদিয়া বুলতে তুলসীর সতীত্ত অহার গুণ অহানে । পরে শ্রী হরিরাং গিয়া দৌয়ে প্রার্থনা করলে শ্রী হরি তুলসীর সতীত্ত অহান বাগানির কাজে শঙ্খাসুরোর রূপহান ধারণ করিয়া গেছিলগা । গিয়া তেইর ঘরে ভগবান শ্রী হরি স্বামী রূপে হমিলগা । অহাতই তেইর সতীত্বহান ভঙ্গ ইয়া পরিলগা । অহাৎ দৌয়ে শঙ্খাসুররে মারানি পারলা । কিন্তু সতী তুলসীয়ে ভগবানরে চিনে বেল্লো । অহাৎ ভগবানে তেইর সতীত্ত ভঙ্গ করে দেসিল বুলিয়া তেই ভগবানরে অভিশাপ দেসিলি যে, “তর এরে ছলকারী স্বরূপ এহান্নো শিলাগো ইয়া থাইস ।“ তুলসীয়ে পরে হেয়কর নিঙে কাদিয়া মাতলোতা , “প্রভু মর হেয়করতা এপাগা কিহান ইতই ?” অহাৎ শ্রী হরিয়ে মাতলোতা , “খানিপ্পারা বাহা ! খানিপ্পারা বাহা ! মি তর অভিশাপ এহান মুরগোৎ তুলিয়া নিলুগা । পরোর যুগে তর হেয়ক অগো মর সখাগো অক । বারো এর পরোর যুগে অর্থাৎ, কলিৎ গিয়া তর হেয়কর শঙ্খ অর্থাৎ, শঙ্খগোর ধ্বনি বারো তর সপাহার পাতা ছাড়া মর পূজা নাক । মি তরে এরে বর এহান দেউরি ।” পরোর জন্মে শঙ্খাসুর ইলগাতাই শ্রী কৃষ্ণর সখা শ্রীদাম । এরে এহানউ কাহিনী আহান ।
এসারে আরাকউ কাহিনী আছে ।
তাৎপর্যঃ হরিভক্তিবিলাস এহান ইলতাই বৈষ্ণবর প্রামান্য গ্রন্থ আহান । এরে গ্রন্থ এহাৎ শালিগ্রামগো অর্চনা করতেগা গিয়া নানান বিধিনিষেধর কথা মাতেসি । এহাত্ত শালিগ্রাম শিলা পূজানিত্যতা নামক অধ্যায় অহার ৫ম বিলাসে মাতেসিতা,
“শালগ্রামশিলাপূজং বিনা ষোহশ্নাতি কিঞ্চন ।
স চুলাদিবিষ্ঠায়ামাকল্পং জায়তে কৃমিঃ ।।”
অর্থহান ইলতাই, শালিগ্রামগোর অর্চনা নাকরিয়া প্রভু প্রসাদ গ্রহণ করলে চুালাদির বিষ্ঠাৎ
কৃমিগোইয়া কল্প কাল যাবৎ থানি লাগের ।
গৌরবাচলশৃঙ্গাগ্রৈর্ভিদ্যতে তস্য বৈ তনুঃ ।
ন মতির্জায়তে যস্য শালগ্রামশিলাঅর্চনে ।।
বারো,
শ্রীভগবান সর্বৈঃ শালগ্রামশিলাকস্তুঃ ।
দ্বিজৈঃ স্ত্রীভিশ্চ শূদ্রেশ্চৈ পূজ্যো ভগবতঃ পরৈঃ ।। (হরিভক্তিবিলাস ৫.৪.২২২)
অর্থাৎ, শালিগ্রাম শিলা অগো অর্চনা করানিৎ যেগোরতা মন না বহের অগোরে গিরিশৃঙ্গ ফাকরিয়া গারিগোৎ বিদাদেনা অর । বারো,বিধানে দীক্ষিত ইয়া ভগবানর অর্চনা করতারা অতা যেমন, বিপ্র, ক্ষত্রিয়, বৈশ্য , শূদ্র বারো জেলাগো ইলেও অগোই শালিগ্রামগোর পূজা করানি উচিৎ ।
অর্থাৎ, স্কন্দ পুরান (হরিভক্তিবিলাস, ৫ম বিলাস, অধ্যায়- শালগ্রামশিলাপূজানিত্যতা, শ্লোক নং-২২২)
স্কন্দ পুরান মতে- ‘শালিগ্রাম শিলা অর্চনায় যার মতি না জন্মে, গিরিশৃঙ্গ পাতিত করিয়া তার দেহ বিদ্ধ করা হয় ।’
ব্রাহ্মণ ক্ষত্রিয় বিশাং সচ্ছৃদ্রাণামথাপি বা ।
শালগ্রামেহধিকারোহস্তি ন চাণ্যেষাং কদাচন ।।
স্ত্রিয়ো যা যদি বা শূদ্রা ব্রাহ্মণাঃ ক্ষত্রিয়াদয়ঃ ।
পূজায়িত্বা শিলাচক্রং লভন্তে শাশ্বতং পদং ।।
অর্থাৎ, ভগবানে দীক্ষিত ভক্তি ব্রাহ্মণ, ক্ষত্রিয়, বৈশ্য, শূদ্র যে জাতরই ইয়া থাক অগোই শালিগ্রামগো পূজা করানির অধিকার পার বারো শাশ্বত পূজার ফল অবশ্যই পেইতই বুলিয়া স্কন্দপুরাণে উল্লেখ আছে । হুদ্দা জেগই শালিগ্রামগোর কোন বিশ্বাস না নাকরের বারো হরি ভক্তি নেই অগোই ভক্তিহীন ইয়া শালিগ্রামগোর পূজা করলে তারতা পাপর আর শেষ নাথার ।
0 Comment "শালিগ্রাম - সঞ্জয় সিংহ (নিংশিং চে - ২০১৬)"
একটি মন্তব্য পোস্ট করুন