ভূমিকা - রুপেন্দ্র কুমার সিংহ (নিংশিং চে - ২০১৬)

     ভূমিকাঃ

আমার জাতি গুষ্ঠী, কৃষ্টি সংস্কৃতি বারো আমার সমাজ ।  এহাৎ আমি যদি এক ইয়া কাম নাকররাং অতাইলে আমারতা বুলিয়া দেশ এহাৎ কিত্তাও  নাথাইবো ।  এরে দেশ এহাৎ হিন্দুও সংখ্যা লঘু ।  তাইলে আমি কি অবস্থানে আসি আকমু খালকরিক ।  আমারতা ধর্মর উপর এতো আলস্যতার প্রধান কারণহান কিহান ? কারণ, আমি আমার ধর্ম বারো নিজরে এপাগাউ হবা করিয়া নাচিনিসি । ধর্মর ব্যাপারে আমি এপাগাউ ঘাটতিতে পরিপূর্ণ ।  ইমা-বাবার সচেতনতার অভাবেই এরে ঘটতি এহান প্রকান্ড আকার ধারণ করে যারগা ।  আমার এরে চে এহান আমি ফংকরানির মূল উদ্দেশ্যহান ইলতাই আমার সৌয়ে যাতে ধর্মীয় বিষয়বস্তু অতা হবা করিয়া হারপানি বারো আমার কৃষ্টি সংস্কৃতি বিষয়ে অবগত অনা ।  আমি কইগোর আতহাৎ চে এহান তুলিয়া দিয়া দেনা পারতাঙাই আমি হান নাপাসি ।  কিন্তু আমার এহার মূল উদ্দেশ্যহান যাতে হাব্বির মাধ্যমে সফল অনা , অহানই আমার কামনাহান ।  ব্যবসা আমার কামনাহান নাবে ।  চে এহান প্রকাশরকা আমার পরগণাগোর যে যুবক যুবতি কতগো
উবা ইসি তাঙর উদ্যোগ এহান হুনিয়াই পইলাকা মি জবর নুঙেই পেইলু ।  যেপাগা তাঙর লগে যুক্ত অনারকা মরে আহ্বান জানুইলা অহাৎ মি আগ্রহর সহীত  সাধুবাদ জানুয়াইলু । তাঙর উদ্দেশ্য, বারো ইচ্ছাহান হুনিয়া মি আরাকউ আগ্রহ অনুভব করলু ।  সোউ এতার দাবদা দাবদি কাম এতা দেখিয়া মি খুব আচানক ইয়া বরলুগা ।  এপাগার সৌ এসারে কাম নিত্যান্তই নাকরতারা ।  কিন্তু তানুর আগ্রহ, কামর ধরন বারো নিষ্ঠা অবশ্যই আমার সমাজে হবা কিছু আহান বইয়া আনতই বুলিয়া মি নিঙকরউরি ।  কাম আহান করতে পাংলাকর দরকার আছে। আমার সমাজে দাঙর মানুয়ে যদি তাঙর এরে হবা কর্ম এহানরে সাধুবাদ না জানুয়াদিতারা তাইলে পাঙলাকর অভাবে এরে কাম এতা মাঙয়া জিতইগা ।  মি তাঙর লগে আসু বারো থাইতউ ।  আপনা আসিওউ তানুরে চানা বারো পাঙলাকর হেইচা থাইল ।
"সোউ এতার বিকাশ- বুদ্ধি বারো সংযমি চেতনা আমার সমাজে আরাকউ কতগো সৌওরে উদ্ভোদ্ধ করতই বুলিয়া মি নিংকরউরি ।  সর্বোপরি, তানুরে সাহায্য সহযোগীতারকা মি হাবিরাং হেইচা থইলু ।
                                                                        রুপেন্দ্র কুমার সিংহ
                                                                   সভামাপু, নিংশিং চে-২০১৬ ।

Share :

Tweet

✚

আরও কিছু পোষ্টঃ