রং মহলে রাসধ্বনি
সুরজিত সিংহ
মথুরাৎ শ্রী কৃষ্ণ যেহাৎ রাসলীলা হান করেসিল অহাৎ এপাগাউ নিয়মিত রাসলীলার কংকন আওয়াজ হুনতারা । অরে জাগা অহানরে মাততারা “রঙ মহল” । এরে জাগা এহান বৃন্দাবনর হুরকাং জাগা আহান নাঙহান “নিধি বন” । এহার ভিতরে প্রতি মধ্যরাতি শ্রী কৃষ্ণ বারো রাধা সমেত গোপী আহিয়া রাস রচনা করতারা বুলিয়া হুনরাঙ । তাঙি লমানির অহাৎ হিমপিয়া “রঙ মহল” জাগা এহাৎ হীন জিরিতারাগা । বন অহাৎ মাদান চারটার পরে আজ্ঞরেউ ভিতরে হমানি নাততারা । যদি কোনগউ চরেদে রাতিপারা জিতারাগা তাইলে মানু অগ আখি কানুইতারা, আত হান তেরা ইয়া থাইতারা, থেংহান কুরুকনাগো ইয়া পরিয়া থাইতারা বারো অনেকগো আসি যে, মরিয়া থাইতারা । দেহিসি মানুয়ে মাততারা যে, সপা এতা রাতিহান ইলে গোপী ইয়া পরতারাগা । বারো বেনীগো উঠলে আরাকমু পাতানেই সপা ইয়া পরতারাগা । শত শত বছর ধরিয়াও সপা এতার কোন ক্ষয় নার । ক্ষয় ইলেও চালাক করে পূরণ ইয়া পরেরগা ।
 |
| রংমহলোর সপা |
কথিত যে, হারাদিন সপা অতা কোন না কোন ডেঙ, মারার তঙাল ইয়া থার । যেমন, মুঙহানদের ডেঙগো অয়াঙেদে বারো বাতেদে অসারে । গভীর জংগলেত হারাদিন কৃষ্ণর মোহন বাঁশির সুরগো হুনানি অকরের বুলিয়াও খবর পেইলাঙ ।বন এহাৎ মাদানহান ইলেই পুরোহিতগোই বাহার ইয়াথেল(দাঁত দাড়ানির ব্রাশ) দুগো, ঘটি আগোৎ সেংপা পানি, লগে কৃষ্ণয় হাদাপার মিষ্টান্ন দিয়া আরতি আহান করিয়া বনহার ভিতরে গিয়া ভোগহান হাকরেদেরগা । পরের দিন চেইতে ভোগহান খমকরিয়া খেয়া থার । মনে অর কোন আগউ অহানরে ঙক্ষি করিয়া খেয়া থইতারা ।
এরে নিধিবন এহান ভগবান শ্রী কৃষ্ণর হীন জিরানির জাগা হান ।
এরে নিধিবন এহান ভগবান শ্রী কৃষ্ণর হীন জিরানির জাগা হান ।
0 Comment "রং মহলে রাসধ্বনি - সুরজিত সিংহ (নিংশিং চে - ২০১৬)"
একটি মন্তব্য পোস্ট করুন