রকমারি তথ্য
● বিষ্ণুপ্রিয়া বারো মৈতৈই মণিপুরির মধ্যে
বৈশ্য বারো শূদ্র নেই । তানুর ভিতরে ক্ষত্রিয় বারো ব্রাহ্মণ জাত দুহানি বিদ্যমান ।
● দুজাত মণিপুরির ব্রাহ্মণেই হুদ্দা মৈতৈই
বারো বিষ্ণুপ্রিয়ার ভিতরেই পারিবারিক সাংসারিক সম্পর্ক করানি অকরের । কিন্তু
ক্ষত্রিয়োরতা আক জাতর লগে আরাক জাতর সম্পর্ক করানি নাকরের ।
● আমি বিষ্ণুপ্রিয়া । আমার হারাদিনকারসাদে
যে লোহং অর অহার নাং হান “প্রজাপতি বিবাহ” বারো আমারকা আরাকউ লোহংর পদ্ধতি আহান
আছে অহানরে “গন্ধর্ভ বিবাহ” বুলিয়া মাততারা ।
● আমার আপা বপার লোকগীতি আহান “কার্তিকর
ফাংনা” যেহান বিষ্ণুপ্রিয়া মণিপুরিরাঙ বেশি জনপ্রিয় । মৈতৈর লোকগীতির মধ্যে “থাবাল
চাংগ্রা”, লাই হারাউবা” বারো “থাইবা থৈবী” বপকরে জনপ্রিয় ।
● ১৯৮৩ সালে আসামর কাছার জেলাত পইলাকা
সরকারী ভাবে বিষ্ণুপ্রিয়া মণিপুরি ভাষাহান মাধ্যমিক শিক্ষা ক্ষেত্রে প্রয়োগ করানি
ইসিল ।
● “রাখাল নিত্য” যেহান আমি “রাখুয়াল”
মাতরাং অহার আরাক নাঙ আহান “গুষ্ঠলীলা” ।
● রাসলীলা বারো রাসপূর্ণিমা কথাহান আকহান
নাবে ।
● অধ্যাপক রনজিত সিংহ ইলতাই বাংলাদেশেত্ত
বিষ্ণুপ্রিয়া মণিপুরি সমাজর আকখুলা মানুগো যেগই পইলাকা আমার জাতেতো PhD ডিগ্রী আনেছেগো ।
● বিষ্ণুপ্রিয়া মণিপুরি জাতর জনকগো
মাততারাতা “গোকুলানন্দ গীতিস্বামী” গিরকরে । ১৮৮৬ সালে গিরক এগো জনম নেসেগাতা
এপাগার নাঙে “মৌলভী বাজার” জেলার “কমলগঞ্জ” পরগণার “মাধবপুর” গাঙে ।
● বাংলাদেশে মণিপুরিরকা জাদুঘর আগো আছে ।
সিলেটর সুবিদবাজারে রাজবাড়িত মণিপুরির ঐতিহ্য, শ’বছরর পুরানা ঘন্টা,যুদ্ধর
অস্ত্রপাতি, ধর্মীয় মালসামাল বারো হ্যান্ডলুম লয়া আরাকউ ঐতিহাসিক নিদর্শন এপাগাও
গুসিয়া থসি ।
● কালীপ্রসাদ সিংহ ১৯৬৮ সালে যাদবপুর
বিশ্ববিদ্যালয়ত্ত বিষ্ণুপ্রিয়া মণিপুরী ঠার বারো কৃস্টির গজে গবেষনা করিয়া পইলাকার
আমার বিষ্ণুপ্রিয়া মানুগো হিসেবে ভাষাগবেষকগো বুলিয়া পিএইচডি ডিগ্রী পাসিল । গিরকে
রাসলীলার অনুবাদ আমার মানুর ঠারে করেছিল ।
● বিষ্ণুপ্রিয়া মণিপুরির পইলাকার মহা কবিগো
ইলতাই “ব্রজেন্দ্র কুমার সিংহ” । ব্রজেন্দ্রকুমার সিংহর পয়লাকার কাব্যগ্রন্থহার
নাঙহান “লেহাউ ফুলগরে” ।
(স্নাতক)
সম্মান,২য় বর্ষ,
মৌলভীবাজার
সরকারী কলেজ ।
0 Comment "রকমারি তথ্য - রত্না সিনহা [নিংশিং চে-২০১৫]"
একটি মন্তব্য পোস্ট করুন