জাতপরানি
বারো ঔহার
প্রতিকার
হাবি ধর্মত্ত আমার গৌরীয় বৈষ্ণব ধর্ম এহান
লামশালপা বারো দাঙর বুলিয়া মি নিংকরউরি । আমার ধর্ম এহান যে কতিহান ডাঙর অহান আমি
হাননাপেয়ার । আমার ধর্মহান বেলেয়া আমি অন্য ধর্ম চর্চা কররাং । মিয়াঙ অর লগে
হারাদিন আতাউতি কররাং । এহার ফলে কিহান অর ? আমার বেয়াপা জাত পরানি অকরলা । আমার নিঙল “লাভ জিহাদ” অর চেপাহাত পরিয়া মিয়াঙরাং দাবদিয়া জিতারাগা । হুদ্দা বেয়াপা
নাগই মুনিয়েও এসাদে জাত পরিসিতা আমার সমাজে আসি । বারো জাত পরানির মুঙে আরাকউ কতগো
আসি । এহান পর্যন্ত খবর পেইলাং । আমার সংগঠনর পক্ষত্ত আমি গাঙর মানুরে
হারপুয়াদিলাং । আরতা আমারতা করানিরতা কিত্তাও নেই । তবে,
মুনির
তুনো বেয়াপা জাত পরতারাতা বেশি ।
এপাগার
ক্ষেন্তাম এতাত আমার মানু জাত পরানি নিয়াম বারো বলগা । দিনযারগা মাহি আমার সমাজর
বেয়াপা আধুনিক ইয়া জিতারাগা । আধুনিক অনার লগে স্মার্ট ফোনর চাহিদাও বপো বলগা ।
এপাগা ফোন আহান্ন কিহান করানি নাকরেরহান ? আসতা দুনিয়াহান ঘরে বহিয়া দেহানি ইকরের ।
জিহাদি প্রেমে বেয়াপা মিয়াঙরাং জিতারাগা । কিন্তু গিয়া কিতা পেইতারা ?
এপাগাপেয়া
আমার সমাজেতো যতগো মিয়াঙরাং জাতপরিসি তানুর খবরা খবর নিয়া দেখলাংতা তাঙি নিয়াম
কষ্ট পেইয়া থাইতারা । পইলাকা মাস দেড়েক আহান নুঙেই ইয়া
থাইতারা পরে ঘরর চাকোরিগো
করিয়া নিয়াম হিন দিতারা । এহান এপাগার যুগে আমার সমাজর জিংপা ডাঙর সামাজিক
অবক্ষয়হান । লোহং নাকরিসি অতাতে বেলা এপাগা যেতাই লোহং করেয়া সৌ হাতগোর মালকনকিও
জাত পরানি অকরলা । আরতা কিতা মাত্তু । এহাত্ত আমি কিসাদে নিকুলে পারানি অহার ব্যবস্থা আহান নেনা লাগতই । মর মতে
এহাত্ত উপাই পানার কতহান পদ্ধতি ইলতাইঃ
ধর্মীয়
শিক্ষাঃ পইলাকার
ধাপহান ইলতাই সৌওরে ধর্মীয় শিক্ষায় শিক্ষিত করানি । সৌওর মুঙে ধর্মীয় শিক্ষা পাঠ
করানি বারো সৌওর লগে আমার ধর্মর ওহারি যেমন, রামায়ন, মহাভারত ইত্যাদি অতার কাহিনী হুনুয়াদেনা । আমার ধর্মীয় ওহারির অভাব নেই । নুঙেইপা নুঙেইপা
নিয়াম ওহারি আসে । ঔতাত্ত সৌওরে নুঙেইপা নুঙেইপা ওহারি হুনুয়াইলে হাবিত্ত হবাইতই ।
যেমন, লব-কুশ, হনুমানর ওহারি, ভীমর ওহারি বারো ধ্রুবর ওহারি অতা হুনুয়াইলে সৌয়ে হুনানি
হাদাপেইতাই । কারণ, হুরকাং কালে সৌ হাবি কিউরিয়াস ইয়া থাইতারাতা ।
আচার-আচরণঃ দাঙরতার লগে কিসাদে টোটরানি থক, ইমা বাবা বারো গুরুজন
যেতা আসি তানুর লগে কিসাদে টোটরানি থক অহান ইমা বাবাই হবা করেয়া দ্বায়িত্ত্বর সহিত
সৌওরে বাঙাদেনা লাগতই ।
আটা-চলাঃ পথহানদে আটতেগা কিসারে আটানি থক অহান সম্পর্কে হবা করিয়া শিক্ষা
দেনা লাগতই । অনেক বেয়াপা আসি পথহানদে আটতেগা গিয়া চুল লারা লারা,
গারিগো
লারা লারা আটতারা । অহান যাতে নাকরানি । এহান সম্পর্কে হবা করিয়া শিক্ষা দেনা
লাগতই ।
সংস্কৃতি
চর্চাঃ
বিশেষ করিয়া আমার সংস্কৃতির পোষাক আষাক, এলা, লেরিক-লেইসু হবা করিয়া শিক্ষা দেনা লাগতই ।
যাতে নিঙল আগো সংস্কৃতি এহান জীবনে পাহুরে নুয়ারানি ।
গুরু
শিক্ষাঃ
সময়মত সৌ আগরে গুরু করণ করুয়ানি লাগতই । যদিও গুরু গৃহে সৌওরে পাঠুয়া নুয়াররাং
তাইলে হাপ্তাহাত স্কুল বন্ধ দিন আহাত গুরু শিক্ষারকা গুরু গৃহে পাঠুয়ানি ।
ইমা-বাবার দ্বায়িত্ব বারো কর্তব্যঃ সৌ আগোর হুরকাং কালর হাবিত্ত ডাঙর শিক্ষা পেইতারাতা ইমা
বাবারাঙতো । অতায়া সৌওর মুঙে খারাপ ভাষা বারো ঘরে কুলি খাৎনা নাকরানি । হুদ্দা
পরিবার আহান সচেতন ইলে নাইবো । কাদাহার পরিবার অতারেও সচেতন করানি লাগতই । যাতে
সৌগো মিলতইগা মারুপ মাচাঙ অতাও যেনো এসারে শিক্ষা পানি ।
বিশেষ
করিয়া, এরে পদ এতা অনুসরণ করলে আমি ভবিষ্যতে জাত পরানি ঠেকানি
পারতাঙাই । সমাজ কল্যান,যুব কল্যান, ছাত্র পরিষদ ইত্যাদি সংগঠন করিয়া কিত্তাও
লাভ নাইবো যদি আমি সচেতন নারাঙ ।
আমার
ব্লগে বারো আমার ফেইসবুক গ্রুপহাত গিয়া আরকউ কিহান কিহান বাকি থাইল বারো লেখানি থক
অহান সম্পর্কে আমারে ধারণা আহান দিয়া দিবাঙ ।
(স্নাতক) সম্মান, ১ম
বর্ষ
বৃন্দাবন সরকারী কলেজ ,হবিগঞ্জ ।
→○←
0 Comment "জাত পরানি বারো ঔহার প্রতিকার- শুভাশিষ সিংহ [নিংশিং-২০১৫]"
একটি মন্তব্য পোস্ট করুন