হাবির মুঙে আমার সাতঃ
আমি বিষ্ণুপ্রিয়া মণিপুরি । আমার সমাজর সাতহান দেশ বারো জাতিরাং তিতারা । বিশেষ করিয়া, আমার বাংলাদেশে । বাংলাদেশর অফিশিয়াল ওয়েবগো www.bangladesh.com এ আমার মণিপুরিরে কিসাদে সম্ভোধন করেছি অহান পাকরলে হারপানি । তানুয়ে আমার মণিপুরি সম্পর্কে পোষ্ট আহান দিয়াছি । ঔহার নাঙহান “The Manipuri Ethnic Group in Bangladesh” । লেখা অহাৎ মাতেসিতা মণিপুরি জাতি এহান বুলি মঙ্গোলিয়া বংশভূত জাতি আহান । আমি বুলি এপাগাও আদিম যুগর অসাদে ঘাট্টহাত গিয়া হিনারাং ফুতি-ফানি ধরাং । আমার ঘর কোটর বুলি এপাগাউ মাটি বারো বাহা,পাতালো হংসে হান । আমারতা বুলিয়া হাবিত্ত দাঙর বিনোদন মূলক কাজ-কামর মধ্যে পোল, নৌকা বাইচ খেলা ঔতা অন্যতম বুলিয়া মাতেসি । আমি ষোড়শ শতাব্দীর পরেত হিন্দু জাতে পরিণত ইসিতা বুলিয়াও মাতানি অসে । আমি বুলি মুরগীর ঠেঙহান চেয়া কোন সিদ্ধান্ত আহান নেরাঙগা । অহাত আমার এরে সংস্কৃতি ঔহানর পুরানা আমলর প্রবাদ আসিলতা , “হাব্বি জ্ঞান আমি মুরগীর ঠেংহানর দিকহান চেয়া হবা হবানেই হারপারাং”। এরে লেখা অহান পাকরিয়ে মি খাংকরে নুয়ারলু । আমি হাবি এক অয়া প্রতিবাদ করিক ।
হাবিত্ত নিকৃষ্ট ঘটনা আহানঃ
কমলপুরর কাঞ্চনছেড়াত প্রদ্বীপ সিংহ(৩০) নাঙর মানু আগোই পারিবারিক কুলির জেরহান ধরিয়া তার মালোকরে কোদালহান্ন সেদিয়া মারিসে । ঘটনা এহান ঘটিসেতা ২০১১ সালোর অক্টোবর মাহাৎ । এরে নরপশু এগো আমার মণিপুরি সমাজহানরে কলংকিত করেসে । মনে নার আমার সমাজে এহাত্ত আরো কোন ডাঙর ঘটনা ঘটেসিল বুলিয়া । খবর এহান ত্রিপুরার পুলিশি ডায়েরি (০১-১০-২০১১ ত্ত ৩১-১০-২০১১) এহাত্ত সংগ্রহ করানি অসেহান ।
লিডিং ইউনিভার্সিটি ,সিলেট ।
→○←
0 Comment "হাবির মুঙে আমার সাত বারো হাবিত্ত নিকৃষ্ট ঘটনা আহান-শ্রাবনী সিনহা (লাবনী) [নিংশিং-২০১৫]"
একটি মন্তব্য পোস্ট করুন