আমি বারো আমার ইতিবৃত্ত
জাতে
আমি খানি আলিয়া । হাব্বি বেলেয়া কামলোই পরিয়া থাকুরা মানুও যেসাদে আছি ঔসাদে কামর
কাম বেলেয়া বুলেকুরা মানুরও অভাব নেই । আমি যেসাদে তাপ অসারে আমার কামও খানি
তাপশীল । উহুলারিগো ইয়া যেসাদে দাপদে পাররাং ঔসাদে কথাহান আকহাৎ মরে পাররাং । আমি
যে বিষ্ণুপ্রিয়া মণিপুরি এহানতে আমি হারপাসি । পৃথিবীর আরতা কইগই হারপাসি ?
ইন্ডিয়াত্ত
আমার উৎপত্তি । ইন্ডিয়া ইলতাই আমার স্বরাষ্ট্রহান । আমি যে বিষ্ণুপ্রিয়া মণিপুরি
অহান প্রকৃতপক্ষে সরকারী খাতাৎ উঠেছেতা ১৯৭১ সালর আদমসুমারী
গণনাৎ । (১) অহাত্তে হারপিক আমি
কতিহান আলিয়া ইসিতা । আলিয়াহান কিহান, আজিকাত্ত ৪৪ বছর আগে আমার মণিপুরি এতা জাত এহান হিসাবে স্বীকৃতি পাসে । অর্থ্যাৎ,
আমার
জাতীগত চিনহৎ হার বয়স ৪৪ বছর । অথচ আমি অর্জুন
বারো শ্রী কৃষ্ণর বংশধর । হাজার হাজার বছর ধরিয়া আমি ক্ষত্রিয়, শত শত বছর ধরিয়া আমি মণিপুরি বারো যুগ যুগ
ধরিয়া আমি বিষ্ণুপ্রিয়া মণিপুরি নাঙ এহান সরকারী
চেত বরানি নয়ারেসি । মি আগেই মাতলু আমি
এতা খানি আলিয়া । ত্রিপুরার কাছারে ১৯৭৩ সালে ঔ সময়হানার সরকারে লিখিত আকারে “নিখিল বিষ্ণুপ্রিয়া
মণিপুরি ছাত্র পরিষদ” রাঙ বিষ্ণুপ্রিয়া
মণিপুরি স্বতন্ত জাত আহান বুলিয়া চে আহান দেসিলা । (২)তাইলে হারপিক আমি কি
জাতর জাতহান ! হাইহান ঔ সময়র সরকারর গাফিলতি আছিল ।
কিন্তু আমি আমার নিজর দেশহাৎ পরিচয়হান আদিবাসী হিসেবে । অহাৎ কিসারে আমার মানু এত
বছর ইংগো ইয়া আসিতা ? যেহাত আমার জন্ম
পরিচয়হান ধরলাতা মঙ্গলীয় যাযাবর জাতী আহান বুলিয়া । আসলে আমার পূর্ব পুরুষ খুব নিজর মধ্যে মারামারি,কুলি খাৎনা করলা সাত । কোনদিন হাবিয়ে
মিলিয়া আকতা ইয়া কাম নাকরেছিলা সাত । নাইলে পত্র পত্রিকায় লেরিক লেইসুত এসাদে কথা
ফংকরানিৎ আতহান নিকদিল অইস । ভাষাবিদে মাতে গেছিগা যে, “বিষ্ণুপ্রিয়া মণিপুরি এতা প্রায় সপ্তদশ শতাব্দীত্ত বৈষ্ণব
ধর্ম গ্রহণ করেছিলা ।” (৩)আমার এরে ভাষা এহার
বিস্তৃতি বারো উৎস ইন্টারনেটে খানি বিসারা বিসারি করলেও পেইতাঙাই । কিন্তু যেতা
পারাং অতা হাবি বিকৃত করিয়া প্রকাশ করতারাতা ।
অষ্টাদশ শতাব্দীত পণ্ডিত নভকেন্দ্র শর্মার লিংকরেসে খুমল পুরাণে এহানর কথা আকচুটি মাতে দেসে যে,প্রাচীন ভারতের মণিপুর রাজ্যর লোকতাক (Loktak Lake) হ্রদ-সংলগ্ন অঞ্চলে এত্ত আমার ভাষা এহান উৎপত্তি অসেহান ।এহান সম্পর্কে না অতারাউরি । কারণ, “নিংশিং” অর পইলাকার সংস্করণ অহাত ভাষার বিস্তৃত আলোচনা করেসিলু ।
আমার বিষ্ণুপ্রিয়া মণিপুরির আদমসুমারীর লোক গণনা আহান প্রকাশ করঙঃ
প্রদেশ/পরগণা
|
১৯৫১ সাল
|
১৯৬১ সাল
|
১৯৭১ সাল
|
মণিপুর
|
১১৪
|
নেই
|
নেই
|
আসাম
|
নেই
|
১৫,১৬৯
|
৩৩,৫৯১
|
ত্রিপুরা
|
নেই
|
১৩(মুনি)
|
৯৮৮৪
|
পাথারকান্দি
|
নেই
|
১ (বেয়াপা)
|
১০,১৬৪
|
কাছার
|
নেই
|
১৫,১৫৫
|
৩৩ ,৪৪০
|
১৯৬১ সালে কাছারে ১৫,১৬৯ গো মানু লিখেছিলা । যেহাৎ, মানু আছিলাতা ৬৬,০০০ এত্ত আরাকউ বপকরে । হাবিত্ত আশ্চর্য জনক কথাহান ইলতাই, পাথারকান্দিত ঔ সময় অহাত আদমসুমারী চেহান অনুসারে মানু আজ্ঞো হুদ্দা আসিল । তাউ বারো জেলেইগো । ঠিক দশ বছর পরে ১৯৭১ সালর আদমসুমারী অনুসারে মানু ইসিলাতা ১০,১৬৪গো ।তাইলে মাতানি অকরের যে, দশ বছরে জেলেই আগোরাংতো ১০,১৬৪টি গো জিবুত উজ্জেসি । তাও বারো কোন মুনি ছাড়া । ত্রিপুরাতও একই ঘটনা । ১৩গো হুদ্দা মুনি আসিলা ১৯৬১ সালে । পরে তাঙিয়ে তাঙিয়ে বিহাসিতা ৯৮৭১গো মানু । সরকারর কাম অসাদে চলেসিলতা । আসলে ঔ সময়ে আমার মানু মনে হয় ঘুমিয়া আসিলা । না তানুর অস্তিত্ত্ব আসিল না আসিল সরকারি কোন ঠিকানা । না ১৯৫৫ অর পরেত খানি তানুর মধ্যে সক্রিয়তা আহান দেহাদেসিল । যেহারমা ১৯৬১ সালর ১লা জুলাইত্ত ফংশীল আদমসুমারী রিপোর্ট অহান জিগৎ পুরেয়া বিক্ষোভ মিছিল ডাহেসিলা বারো খানি জাতিগত কাজ কামে মন দেনা হিকলা । কিন্তু পরে এহান ডাঙর রুপ আহান ধারণ করেছিল । আন্দোলন করিয়া আমার মানুয়ে নিজর জাত হান প্রতিষ্ঠিত করলা । এর পরপরই পরগণা পরগণাৎ আমার মানু জাগিয়া উঠলা । বারো ভাষা আন্দোলনর সূচনা করেসিলা । ১৯৬৯ এ সালর বারদেরতো ধর্মঘট, অনশন, পিকেটিং, যান চলাচল বন্ধ করিয়া হরতাল ডাকলা । আন্দোলনে প্রাই ১৫০০গো মানুরে জেলে পাঠুয়াদেসিলা । কিন্তু ১৯৭১ এত্ত আবার আদমসুমারী গণনা বারো ভাষা আন্দোলন তীব্রতর ইয়া উঠেসিল ।
 |
| ফটকঃ ভাষা শহীদ সুদেষ্ণা সিংহ |
বর্তমানে
বিষ্ণুপুরী মণিপুরী ভাষার মানুষ প্রতিবৎসর ১৬ মার্চকে ‘শহীদ সুদেষ্ণা দিবস’ হিসাবে পালন করে থাকে।
২০০১
খ্রিষ্টাব্দে ৭ ফেব্রুয়ারি বরাক উপত্যকার ১৫২টি প্রাথমিক বিদ্যালয়ে বিষ্ণুপ্রিয়া
মণিপুরী ভাষায় শিক্ষাদান চালু করে। এরপর ২০০৬ খ্রিষ্টাব্দের ৮ মার্চ ভারতের
সুপ্রীমকোর্টের এক রায়ের মাধ্যমে বিষ্ণুপ্রিয়া মণিপুরী ভাষা ভারতে একটি স্বতন্ত্র
ভাষার স্বীকৃতি লাভ করে।
রেফারেন্সঃ
“The Bishnupriya Manipuri in Tripura: Past and Present”-
Rabindra Sinha
Web
Referance:
→○←
0 Comment "আমি বারো আমার ইতিবৃত্ত - সুরজিত সিংহ [নিংশিং-২০১৫]"
একটি মন্তব্য পোস্ট করুন